நாட்டில் வெவ்வேறு இடங்களில் இடம்பெற்ற வீதி விபத்துக்களில் ஐந்து பேர் உயிரிழப்பு
வத்தளை: குடாகஹபிட்டிய சந்தியில் மோட்டார் சைக்கிளும் துவிச்சக்கர வண்டியும் மோதிக்கொண்டதில் 44 வயதுடைய துவிச்சக்கர வண்டி ஓட்டுநர் உயிரிழந்தார்.
எகொட உயன: பாணந்துறை-மொரட்டுவை புதிய வீதியில் பாதசாரி ஒருவர் மோட்டார் சைக்கிள் மோதி உயிரிழந்தார். உயிரிழந்தவர் கோரளவெவ பகுதியைச் சேர்ந்த 50 வயதுடையவர்.
வவுனியா: புளியங்குளம்-வவுனியா வீதியில் இராமனுார் பகுதியில் மோட்டார் சைக்கிளும் துவிச்சக்கர வண்டியும் மோதின. இதில் மோட்டார் சைக்கிளின் பின்னால் பயணித்த 59 வயதுடைய நபர் உயிரிழந்தார்.
ரணால: ஹன்வெல்ல-கொழும்பு வீதியில் பேருந்தும் மோட்டார் சைக்கிளும் நேருக்கு நேர் மோதிக்கொண்டதில் கேகாலைச் சேர்ந்த 34 வயதுடைய இளைஞர் உயிரிழந்தார்.
சம்மாந்துறை: டிராக்டர் (Tractor) ஒன்று கட்டுப்பாட்டை இழந்து கவிழ்ந்ததில், அதன் சாரதி அதே வாகனத்தில் நசுங்கி சம்பவ இடத்திலேயே உயிரிழந்தார். அவர் அம்பாறையைச் சேர்ந்த 40 வயதுடையவர்.
