மறைந்த அவுஸ்திரேலிய கிரிக்கெட் ஜாம்பவான் டொன் பிரெட்மேன் பயன்படுத்திய புகழ்பெற்ற தொப்பி, ஏலத்தில் சாதனை விலைக்கு விற்பனையாகியுள்ளது.
அவுஸ்திரேலியாவின் கோல்ட் கோஸ்ட் பகுதியில் நேற்று (26) நடைபெற்ற ஏலத்தில், இந்தத் தொப்பி 4,60,000 அவுஸ்திரேலிய டொலர்களுக்கு (இலங்கை மதிப்பில் சுமார் ஒன்பது கோடியே எண்பத்திரண்டு இலட்சம்) விற்பனையானது.
இந்தத் Baggy Green தொப்பிக்கு ஒரு சிறப்பு வரலாறு உண்டு. 1947-48இல் இந்தியாவுக்கு எதிரான டெஸ்ட் தொடரின் போது பிரெட்மேன் இதை அணிந்திருந்தார்.
பின்னர் இதை இந்திய கிரிக்கெட் வீரர் ஸ்ரீரங்க வாசுதேவ் சோஹோனிக்கு பிரெட்மேன் பரிசாக வழங்கினார்.
சோஹோனி குடும்பத்தினர் கடந்த 70 ஆண்டுகளுக்கும் மேலாக இந்தத் தொப்பியை மூன்று தலைமுறைகளாகப் பத்திரமாகப் பாதுகாத்து வந்தனர்.
தொப்பியின் உட்புறத்தில் பிரெட்மேன் மற்றும் சோஹோனியின் பெயர்கள் கையெழுத்திடப்பட்டுள்ளன.
70 ஆண்டுகளைக் கடந்து தற்போது இந்த தொப்பி சாதனை விலைக்கு விற்பனை ஆகியுள்ளது.
