நாட்டின் விஷ போதைப்பொருட்களை ஒழிக்கும் பாரிய இலக்குடன் ஆரம்பிக்கப்பட்டுள்ள ‘முழு நாடுமே ஒன்றாக’ (Mulu Nadume Ondraga / The Whole Country Together) எனும் தேசிய செயற்பாட்டுக்கு இணையாக, ஒரு முக்கியமான நடவடிக்கை மேற்கொள்ளப்பட்டுள்ளது.
பொதுமக்களின் பங்களிப்பை உறுதிசெய்யும் வகையில், 24 மணி நேரம் இயங்கும் ஒரு விசேட துரித தொலைபேசி இலக்கத்தை தொலைத்தொடர்புகள் ஒழுங்குபடுத்தும் ஆணைக்குழு (TRC) இன்று அறிமுகப்படுத்தியுள்ளது.
📞 இலக்கம் ‘1818’ செயல்பாட்டுக்கு வந்தது‘முழு நாடுமே ஒன்றாக’ தேசிய செயற்குழுவின் விசேட கோரிக்கையின் பேரில் இந்த புதிய துரித தொலைபேசி இலக்கம் ‘1818’ அறிமுகப்படுத்தப்பட்டுள்ளது.
இந்த ‘1818’ என்ற இலக்கத்தின் ஊடாக, நாட்டின் எந்தவொரு இடத்திலும் நடைபெறும் போதைப்பொருள் கடத்தல், விநியோகம் அல்லது அது தொடர்பான சந்தேகத்துக்குரிய செயற்பாடுகள் குறித்த நம்பகமான மற்றும் சரியான தகவல்களைப் பொதுமக்கள் உடனடியாகத் தெரிவிக்க முடியும் என அறிவிக்கப்பட்டுள்ளது.
போதைப்பொருள் சங்கிலியை உடைப்பதில் பொதுமக்களின் தகவல்கள் முக்கிய பங்கு வகிக்கும் என்பதால், இந்தத் துரித இலக்கத்தைப் பயன்படுத்தி உடனடியாகத் தகவல்களை வழங்குமாறு அதிகாரிகள் கேட்டுக்கொண்டுள்ளனர்
