✍️மஜீட். ARM
அக்கரைப்பற்று மாநகர சபையின் கூட்ட மண்டபத்தில், தீயணைப்புப் பயிற்சியை வெற்றிகரமாக நிறைவு செய்த அல் உஸ்வா மீட்பு மற்றும் உயிர் காக்கும் பயிற்சி பெறுபவர்களுக்குச் சான்றிதழ்கள் வழங்கும் நிகழ்வு ஆகஸ்ட் 08 திகதி சிறப்பாக நடைபெற்றது.
இந்நிகழ்வானது, அம்பாறை மாவட்ட அனர்த்த முகாமைத்துவப் பிரதிப் பணிப்பாளர் எம்.ஏ.சி.எம்.றியாஸ் தலைமையில் இடம்பெற்றது. தேசிய காங்கிரஸின் தலைவரும், முன்னாள் பாராளுமன்ற உறுப்பினரும், அக்கரைப்பற்று மாநகர மேயருமான ஏ.எல்.எம்.அதாவுல்லா அவர்கள், பிரதம அதிதியாகக் கலந்துகொண்டு சிறப்புரையாற்றினார்.
அவர் தனது உரையில், அல் உஸ்வா மீட்பு மற்றும் உயிர் காக்கும் குழுவின் அடுத்தகட்ட வளர்ச்சிக்குத் தேவையான வேலைவாய்ப்புகளை உருவாக்கிக் கொடுப்பதாகவும் உறுதியளித்தார்.
இந்த நிகழ்வில், அக்கரைப்பற்று பிரதேச சபை தவிசாளர் எம்.ஏ.றாஷீக், அக்கரைப்பற்று பிரதேச செயலகத்தின் பிரதி திட்டமிடல் பணிப்பாளர் எஸ்.எம்.தமீம், அக்கரைப்பற்று பொலிஸ் பொறுப்பதிகாரி கே.பி.டபிள்யூ.அனுர ஆகியோர் கலந்துகொண்டனர்.
பயிற்சிக்கான வளவாளர்களாக கல்முனை மாநகர சபையின் தீயணைப்புப் பிரிவு அதிகாரி கே.எம்.றுமி, அக்கரைப்பற்று மாநகர சபையின் தீயணைப்பு அதிகாரி ஜே.றிஸ்வான் ஆகியோர் செயற்பட்டனர்.
இளைஞர்களின் இந்த அர்ப்பணிப்புள்ள சேவை மனப்பான்மைக்கு நமது வாழ்த்துகளைத் தெரிவிப்போம்!
