நாட்டில் தொடரும் சீரற்ற வானிலை காரணமாக வெள்ளம், மண்சரிவு மற்றும் சூறைக் காற்று போன்ற அனர்த்தங்களில் பொதுமக்கள் எதிர்கொள்ளும் அவசர நிலைமைகள் மற்றும் சேதங்கள் குறித்து விரைந்து அறிவிப்பதற்காக, அனர்த்த முகாமைத்துவ மத்திய நிலையம் (DMC) மூன்று விசேட WhatsApp இலக்கங்களை அறிமுகப்படுத்தியுள்ளது.
எதற்காக இந்த இலக்கங்கள்? தொடர்ச்சியான கனமழை, வெள்ளப்பெருக்கு, சூறைக் காற்று, மரங்கள் சரிவு, மின்சாரக் கோளாறு உள்ளிட்ட பிரச்சனைகள் ஏற்படும் பட்சத்தில், பாதிக்கப்பட்ட மக்கள்:
புகைப்படம் (Photos)
வீடியோ (Videos)
குறுஞ்செய்தி (Text Messages)
வடிவில் தகவல்களைப் பதிவு செய்து கீழே கொடுக்கப்பட்டுள்ள இலக்கங்களுக்கு அனுப்பிவைக்க முடியும் என்று மத்திய நிலையம் தெரிவித்துள்ளது.
அறிமுகப்படுத்தப்பட்டுள்ள WhatsApp இலக்கங்கள்:
077–411 71 17
078–411 71 17
070–411 71 17
பொதுமக்களுக்கான கோரிக்கை இந்த வசதி, சீரற்ற வானிலையால் ஏற்படும் அபாயங்களைக் குறைத்து, உடனடி உதவித் தேவைகளுக்கு விரைவான நடவடிக்கை எடுக்கும் நோக்கில் அறிமுகப்படுத்தப்பட்டுள்ளது. எனவே, அதிகாரிகள் விரைவாகச் செயற்படுவதற்கு உதவும் வகையில், சரிபார்க்கப்பட்ட உண்மையான தகவல்களை மட்டும் பகிருமாறும், பொய்யான தகவல்களைப் பகிர வேண்டாம் என்றும் பொதுமக்கள் கேட்டுக்கொள்ளப்பட்டுள்ளனர்.
