2026 முதல் நடைமுறைக்கு வரும் புதிய கல்வி சீர்திருத்தங்களின் கீழ், வரலாறு மற்றும் அழகியல் பாடங்கள் பாடத்திட்டத்திலிருந்து நீக்கப்படுகின்றன என்ற குற்றச்சாட்டுகள் எழுந்துள்ளன.
குறித்த குற்றச்சாட்டுகளுக்கு இலங்கை ஆசிரியர் சங்கங்கள் கடுமையான எதிர்ப்பு தெரிவித்துள்ளன.
இந்தப் பின்னணியில், கல்வி, உயர்கல்வி மற்றும் தொழிற்கல்வி அமைச்சு நேற்று (17) புதிய பாடத்திட்டங்கள் தொடர்பாக விளக்கம் வழங்கியது.
அதன்படி, தரம் 10 மற்றும் 11 ஆம் வகுப்புகளில் தாய்மொழி, ஆங்கிலம், கணிதம், அறிவியல் மற்றும் சமயம் ஆகிய பாடங்கள் கட்டாய பாடங்களாக பட்டியலிடப்பட்டுள்ளன. அதே நேரத்தில் தெரிவுப் பாடங்களில் வரலாறு மற்றும் அழகியல் ஆகியவை நியமிக்கப்பட்டுள்ளன.
இதனையும் முற்றிலும் ஏற்க முடியாது என இலங்கை ஆசிரியர் சங்கங்கள் இன்றும் தங்களது எதிர்ப்பைத் தொடர்ந்துள்ளன.
