இந்தியத் திரையுலகில் ஒரு படம் ரூ. 1000 கோடி வசூலை எட்டுவது என்பது தற்போது ஒரு மைல்கல்லாக மாறிவிட்டது. தங்களின் அபாரமான நடிப்பு மற்றும் படத்தேர்வின் மூலம், இந்திய அளவில் அதிக வசூல் ஈட்டிய டாப் 6 நடிகைகளின் விவரங்கள் வெளியாகியுள்ளது.
பட்டியலில் முதலிடம் எப்போதும் போல ‘தேவசேனா’ அனுஷ்காவிடமே உள்ளது. எஸ்.எஸ்.ராஜமௌலியின் ‘பாகுபலி 2’ திரைப்படம் படைத்த ரூ. 1788 கோடி உலகளாவிய வசூல் சாதனை, இன்றுவரை ஒரு நடிகையின் படத்திற்கு கிடைத்த மிகப்பெரிய வெற்றியாக நீடிக்கிறது.
சமீபகாலமாக இந்தியாவையே தன் பக்கம் திருப்பியுள்ள ராஷ்மிகா மந்தனா, இந்தப் பட்டியலில் இரண்டாம் இடத்திற்கு முன்னேறியுள்ளார். இவரது நடிப்பில் வெளியான ‘புஷ்பா 2’ திரைப்படம் தற்போது வரை ரூ. 1742 கோடி வசூலித்து, இவரை ஒரு தவிர்க்க முடியாத பான்-இந்தியா நட்சத்திரமாக உயர்த்தியுள்ளது.
குழந்தை நட்சத்திரமாகப் பலரது மனங்களை வென்ற சாரா அர்ஜுன், தற்போது நாயகியாக மூன்றாவது இடத்தில் மின்னுகிறார். இவர் நடித்த ‘துரந்தர் 2’ (Dhurandhar 2) எனும் ஸ்பை திரில்லர் திரைப்படம் ரூ. 1523 கோடிக்கும் மேல் வசூலித்து இன்னும் திரையரங்குகளில் வெற்றிகரமாக ஓடிக்கொண்டிருக்கிறது.
தென்னிந்தியாவின் ‘லேடி சூப்பர் ஸ்டார்’ நயன்தாரா, ஷாருக்கானின் ‘ஜவான்’ படத்தின் மூலம் பாலிவுட்டில் பிரம்மாண்டமாக நுழைந்தார். இப்படம் ஈட்டிய ரூ. 1150 கோடி வசூல், அவரை இந்தப் பட்டியலில் நான்காவது இடத்திற்குக் கொண்டு வந்துள்ளது.
பாலிவுட்டின் டாப் நாயகி தீபிகா படுகோன், ‘பதான்’ மற்றும் ‘கல்கி 2898 AD’ எனத் தொடர்ந்து ஆயிரம் கோடி ரூபாய் வசூல் படங்களில் நடித்ததன் மூலம் ஐந்தாவது இடத்தைப் பிடித்துள்ளார். இவரது படங்கள் சராசரியாக ரூ. 1050 கோடிக்கும் மேல் வசூலித்துள்ளன.
மூத்த நடிகை கரீனா கபூர், சல்மான் கானுடன் இணைந்து நடித்த ‘பஜ்ரங்கி பைஜான்’ படத்தின் மெகா ஹிட் வெற்றியால் இந்தப் பட்டியலில் ஆறாவது இடத்தைப் பிடித்துள்ளார். இப்படம் சுமார் ரூ. 900 கோடிக்கும் மேல் வசூலை வாரிக்குவித்தது குறிப்பிடத்தக்கது.
