🔴மணமகன் தனது கைகளால் எழுதிய குர்ஆன் பிரதியை மஹராக வழங்கிய நெகிழ்ச்சியான நிகழ்வு!

சோசியல் டிவி:✍ மஜீட். ARM

மட்டக்களப்பு, ஓட்டமாவடி முஹைதீன் ஜும்ஆ பள்ளிவாயலில் நேற்று (ஜூன் 27, 2025) நடைபெற்ற நிக்காஹ் நிகழ்வு, ஒரு நெகிழ்ச்சியான தருணத்தைச் சந்தித்தது.

மணமகன் இஸ்மத் இலாஹி அவர்கள், தனது மணமகள் மீது கொண்ட அளவற்ற அன்பையும், இஸ்லாமிய மார்க்கத்தின் மீது கொண்ட பக்தியையும் வெளிப்படுத்தும் வகையில், முழுவதுமாக தனது கைகளால் எழுதி முடித்த புனித அல்குர்ஆன் பிரதியை மஹராக வழங்கி அனைவரையும் ஆச்சரியத்தில் ஆழ்த்தினார்.

இந்த அரிய குர்ஆன் பிரதி சபையில் காண்பிக்கப்பட்டபோது, அங்கிருந்தோர் அனைவரும் இஸ்மத் இலாஹி அவர்களின் இந்த அர்ப்பணிப்பு மிக்க செயலைக் கண்டு வியந்து பாராட்டினர். இத்தகையதொரு மகத்தான மஹர், மணமக்களின் வாழ்வில் நிம்மதியையும், பரக்கத்தையும் கொண்டுவரும் என பலரும் வாழ்த்தினர்.

மணமக்கள் இஸ்மத் இலாஹி மற்றும் அவரது துணைவியாருக்கு எமது சோசியல் டிவி மனமார்ந்த நல்வாழ்த்துக்கள்! அவர்களின் திருமண வாழ்க்கை சுபீட்சமாகவும், இறை அருளுடனும் அமையப் பிரார்த்திக்கிறோம்.

#நிக்காஹ் #மஹர் #குர்ஆன் #மட்டக்களப்பு #ஓட்டமாவடி #நெகிழ்ச்சி #திருமணம் #இஸ்லாம்