ஹோர்முஸ் நீரிணை மீண்டும் திறக்கப்படுவதன் மூலம் உலகளாவிய மசகு எண்ணெய் விநியோகம் அதிகரிக்கும் என்ற எதிர்பார்ப்பால், எண்ணெய் விலைகள் தொடர்ந்து சரிந்து வருகின்றன.
இது கடந்த 4 மாதங்களில் மிகக் குறைந்த விலையாகப் பதிவாகியுள்ளது.
சர்வதேச அளவுகோலான பிரென்ட் ரக மசகு எண்ணெய்யின் விலை இன்று (24) 0.5 சதவீதம் குறைந்து, ஒரு பீப்பாய் 76.71 அமெரிக்க டொலராக பதிவாகியுள்ளது.
முன்னதாக, நேற்று பிரென்ட் ரக மசகு எண்ணெய்யின் விலை 1 சதவீதம் வீழ்ச்சியடைந்திருந்தது.
ஈரான் மற்றும் இஸ்ரேல் மோதலின் ஆரம்பத்தில், ஹோர்முஸ் நீரிணையை ஈரான் மூடியதால் உலகின் மிக முக்கியமான கப்பல் போக்குவரத்துப் பாதைகளில் பாதிப்பு ஏற்பட்டு, எரிசக்தி விலைகள் கடுமையாக உயர்ந்திருந்தன.
இரு தரப்பிலும் எரிசக்தி உள்கட்டமைப்புகள் மீது நடத்தப்பட்ட தாக்குதல்கள் விலையேற்றத்திற்கு மேலும் உந்துதலாக அமைந்திருந்தமை குறிப்பிடத்தக்கது.
