ஐக்கிய அரபு அமீரகம் (UAE) ஜனாதிபதி ஷேக் முகமது பின் சயீத் அல் நஹ்யானின் வழிகாட்டுதல்களின் கீழ், ஐக்கிய அரபு அமீரகம் ஒரு புதிய அரசாங்க மாதிரியை வெளியிட்டுள்ளது.
இதன்படி, அடுத்த இரண்டு ஆண்டுகளில் அனைத்து அரசாங்கத் துறைகள், சேவைகள் மற்றும் செயல்பாடுகளில் பாதி, முகவர் சார்ந்த செயற்கை நுண்ணறிவால் இயக்கப்படும்.
பிரதமர் ஷேக் முகமது பின் ரஷீத் அல் மக்தூம் ‘X’ தளத்தில் வெளியிட்டுள்ள இந்த அறிவிப்பின் படி,அடுத்த இரண்டு ஆண்டுகளில் அனைத்து அரசாங்கத் துறைகள் மற்றும் சேவைகளில் பாதிக்கும் மேற்பட்டவை (50%) செயற்கை நுண்ணறிவு முகவர்களால் (Agent-based AI) இயக்கப்படும்.
“AI இனி வெறும் கருவி அல்ல; அது நிகழ்நேரத்தில் தரவுகளை ஆய்வு செய்யும், முடிவுகளை எடுக்கும் மற்றும் சேவைகளை மேம்படுத்தும் நமது நிர்வாகப் பங்காளராக மாறும்,” என பிரதமர் தெரிவித்துள்ளார்.
தொழில்நுட்பம் வளர்ந்தாலும் ‘மக்களே முதன்மையானவர்கள்’ என்ற கொள்கையில் அமீரகம் உறுதியாக உள்ளதுஒவ்வொரு மத்திய அரசு ஊழியருக்கும் செயற்கை நுண்ணறிவில் தேர்ச்சி பெற சிறப்புப் பயிற்சி அளிக்கப்படும்.
இதன் மூலம் உலகின் மிக வலிமையான AI திறன் கொண்ட மனிதவளத்தை அமீரகம் உருவாக்கும்.இந்த மாபெரும் மாற்றத்தை ஷேக் மன்சூர் பின் ஜாயித் மேற்பார்வையிடுவார்.
முகமது அல் கெர்காவி தலைமையிலான பணிக்குழு இதன் செயலாக்கத்தை முன்னெடுக்கும்.
தன்னாட்சி அமைப்புகள் (Autonomous Systems) வழியாக அரசாங்கத்தை இயக்கும் உலகின் முதல் நாடாக ஐக்கிய அரபு அமீரகம் திகழப்போகிறதுமுடிவுகளை எடுப்பதில் வேகம், தரமான செயல்பாடு மற்றும் நவீன வடிவமைப்பு ஆகியவையே இந்த மாற்றத்தின் அளவுகோல்களாக இருக்கும்.
வேகமான, பொறுப்புடன் செயல்படும் மற்றும் அதிக தாக்கத்தை ஏற்படுத்தக்கூடிய ஒரு அரசாங்கத்தை உருவாக்குவதே இதன் நோக்கம்.
