சர்வதேச சட்டம் மீறப்படுவதாக ஐக்கிய நாடுகள் சபையின் பொதுச்செயலாளர் கவலை: மத்திய கிழக்கில் இராணுவத் தீர்வு கிடையாது என எச்சரிக்கைஉலகம் முழுவதும், குறிப்பாக மத்திய கிழக்குப் பகுதிகளில் சர்வதேசச் சட்டங்கள் மதிக்கப்படாமல் மீறப்பட்டு வருவது குறித்து ஐக்கிய நாடுகள் சபையின் பொதுச்செயலாளர் அன்டனியோ குட்டேரெஸ் கடும் கவலை தெரிவித்துள்ளார்.
நியூயோர்க்கில் உள்ள ஐக்கிய நாடுகளின் தலைமையகத்தில் செய்தியாளர்களிடம் பேசிய அவர், உலகளவில் சர்வதேசச் சட்டங்களுக்கான மரியாதை குறைந்து வருவதாக தெரிவித்தார்.
குறிப்பாக மத்திய கிழக்கில், போர் மற்றும் மோதல்களின் போது பின்பற்றப்பட வேண்டிய சர்வதேச விதிகள் மற்றும் சட்டங்கள் முற்றிலும் புறக்கணிக்கப்படுகின்றன.
இந்தநிலையில், மத்திய கிழக்கில் நிலவும் தற்போதைய நெருக்கடிக்கு இராணுவ ரீதியான தீர்வு ஏதும் கிடையாது என்று குட்டேரெஸ் திட்டவட்டமாகத் தெரிவித்தார்.
முறையான மற்றும் தீவிரமான பேச்சுவார்த்தைகள் மீண்டும் தொடங்கப்பட வேண்டும்.
எட்டப்படும் போர்நிறுத்த உடன்படிக்கைகள் எக்காரணம் கொண்டும் மீறப்படாமல் பாதுகாக்கப்பட வேண்டும்.
அமெரிக்கா மற்றும் ஈரான் இடையிலான பேச்சுவார்த்தைகள் மீண்டும் தொடங்குவதற்கான “அதிக வாய்ப்புகள் உள்ளன.
அத்துடன், தரைமட்ட நிலவரங்களைச் சீரமைக்க இஸ்ரேல் மற்றும் லெபனான் இடையே தற்போது நடைபெற்று வரும் பேச்சுவார்த்தைகள் மிகவும் முக்கியமானது என்றும் அவர் குறிப்பிட்டார்.
